ماهي سالفة جبنا محترف

كاتب مقالاتكل عام وقراء واصحاب سبورت بخير وعسي كل ايامكم افراح واعياد .. اليوم يا اخوان لفت نظري ثلاث اخبار خلال ساعتين من الزمن منهم خبرين متناقضين بخصوص نادي الاتحاد الاول طلع حوالي الساعه 1245 دقيقة قدم الشكر من خلاله حسابه الرسمي عبر الانستجرام الفنزويلي يوهاندي اوروزكو لادارة النادي على سماحها له بفرصة خوض التجربة في المملكة .. وذكر بالخبر ان الاتحاد تعاقد مع مواطنه جيلمين ريفاس منذ ايام .. وبعد ساعه إلا ربع يعني بحدود الساعه 1.35 طلع لنا الخبر الثاني يقول ان ادارة نادي الاتحاد قررت تأجيل صفقة يوهاندري بشكل مؤقت بسبب دخول لاعب مميز في خط المفاوضات مع اﻹدارة الاتحادية .. وينتظر ألا يسافر يوهاندري مع بعثة الاتحاد الى ايطاليا استعدادا للموسم الرياضي المقبل لحين تحديد مصير اللاعب .. واما الخبر الثالث فهو عن اقتراب النادي من حسم التوقيع مع المدرب الروماني لازلو بولوني بعد أن أنهو اتفاقهم الكامل معاه وسيتواجد المدرب في معسكر الفريق الاتحادي في إيطاليا .. اعزائي القراء هذه الاخبار الرئيسية وإليكم التفاصيل قصدي تعليقي على هذه الاخبار .. والله الواحد يستغرب من عمل الاداريين بالاندية العربية هم اللي يفصلون ويلبسون ويسوون كل شي معقولة هالتخبطات اللي مازالوا مصرين على ارتكابها بكل موسم ؟ .. مع الاسف مامن احد منهم يتعلم الظاهر ان هالجماعة هوايتهم الخسائر المادية ! .. مو معقول هالاخطاء السنوية المتكررة هم يبحثون عن اللاعبين الاجانب ويوقعون معاه عقود قبل لايجيبون مدرب للفريق !.. واول ما يوقعون مع مدرب المدرب يركب راسه ويطلب محترفين غيرهم على مزاجه واختياره هو لانهم من وجهة نظره هم اللي راح يفيدون الفريق بالمرحلة المقبلة يعني السالفة كانك يابو زيد ماغزيت !.. واليوم من خلال هذه المقالة اطالب الاندية بالتريث قليلا وانتظار حضور المدربين عشان يسلمون من هذه المواقف البايحه اللي ماورها غير زيادة ديون الاندية .. حنا مادري الي متي ما نتعلم من الناس المتقدمة اللي كل شغلهم بخطط وتكتيكات مدروسة بعناية تفيد فرقهم داخل الملعب وخارجه .. وقبل لا تسألون عن اشلون خارجه ؟ .. راح اجاوبكم اقصد يستفيدون من تسويق المحترف ماليا باعلانات وبيع ملابسه .. يعني الناس اهل خطط وتكتيكات ماهي اهل دعاية واعلان بس حنا جبنا لاعب محترف والسلام عليكم .
ألووو اخير : اسأل قبل ماتناسب .. يبان لك الردئ والمناسب .

التعليقات

1 تعليق
  1. عالم غريب جدا
    1

    استاذنا الشمري
    بالنسبه للاعبين فقد تؤجل ادارة الاتحاد التعاقد مع لاعب من اجل لاعب افضل ومميز وهاذا ليس به غرابه بل هو عمل جبار واحترافي من اجل اسعاد جماهير الاتحاد اللتي تستحق الافضل
    اما من ناحية المدرب لازلو بولوني فالاخبار تقول والعلم عند الله انه فعلا وقع للاتحاد وبحسب السيفي فهو مكسب للاتحاد

    اخي الكاتب الشمري اتفق معك في اشياء واختلف معك في اخرى
    اتفق معك بعدم التعاقد مع اي لاعب قبل المدرب
    ويجب على المدرب ان يتحمل عاقبة استقطابه للاعبين ومحاسبته ويكون ذالك احد بنود التعاقد مع اي مدرب
    اما قولك بان رؤساء الانديه هوايتهم الخساره؟
    اقولك لا ما احد بالدنيا يبي يخسر
    انت من وين جبت هالسولافه؟
    عطني ريس نادي بالعالم يبي يخسر؟

    Thumb up 0 Thumb down 0
    22 يوليو, 2015 الساعة : 7:40 م
109