سخر تركي آل الشيخ رئيس هيئة الترفيه من رئيس النادي الأهلي محمود الخطيب بينما أكد أن حديثه السابق عن شراء نصف نجوم الزمالك هو نوع من الدعابة مع رئيس الزمالك الحالي مرتضى منصور.
ونشر آل الشيـخ على صفحته الشخصية بـ”فيسبوك” قائلًا:
“نادي الزمالك نادٍ كبير وعظيم ومنتظرين المباراة، والزمالك فريق قوي وصعب وسوف تكون بين الأول والثاني”.
وتابع:
“بحب أضايقك وخصوصًا قبل يوم الثلاثاء… المناكفة محبة”.
وقال تركي عبر حسابه الشخصي على موقع التواصل الاجتماعي ”فيسبوك“: ”هاحكيلكو حدوته صغيرة، نجم فريق كرة قدم كان سعيد وبيسعد جمهور فريقه انتهى عقده وطلب ١٠ جنيهات راتب عشان يجدد لأن ده آخر عقد ليه وهو لاعب دولي كبير وعاوز يأمن مستقبله يتقال له لا لأن عندنا سقف للرواتب فيروح يدور على مستقبله فيقولوله بمساعدة صديق (مش أنا) ارجع إحنا موافقين ويطلعوه بعد ما يمضي بساعات ويقولوله رجعنا بكلامنا“.
وأضاف ”وتلف الدنيا وبعدها بشهور يروحو جايبين لاعب مش في المنتخب ويدوله راتب ١٥ جنيه ولاعب ثاني برضو مش في المنتخب وليه سنة على الدكة ويدوله في ٦ شهور ٢٠ جنيه يبقى دي مش إدارة أو سيستم، ده بيزرعوا فجل (طبعا أنا بقصد واحد)“.
وتابع الشيخ ”تلف الدنيا ويرجع اللاعب اللي كان بيسعد جمهوره ويهزمهم مرتين، ربنا كبير.. آه افتكرت كان خايف إني آخذ منه اللقطة.. سبت ليك اللقطة بس طلعت بدون ألوان.. وعجبي“.
ويقصد تركي آل الشيخ اللاعب عبد الله السعيد الذي فرط به الأهلي عقب تمديد التعاقد معه بينما تعاقد النادي مع الثنائي حسين الشحات ورمضان صبحي بضعف سعر السعيد في الشتاء الماضي.
