اشلون ووين وليش ؟.

محمد الشمريبحلقة برنامج عالمكشوف الاذاعي عندنا بالكويت ليوم الأربعاء الماضي السادس والعشرون من نوفمبر استضاف الإخوة الثلاثه ( لا فرق الله شملهم ) مقدمين البرنامج جزاهم الله خير وأعانهم الله على دور الكلام فيما بينهم لان الساعه اللي يطلعون فيها يادوب تكفيهم !.. ما علينا نرجع لمحور المقالة بعد هذه الشطحه العفوية ويعلم الله انها شطحت محبة .. صَل على النبي انت وهو .. كان اللقاء مع مدير العام للهيئة العامة للرياضة اللي أمتع المستمعين بحواره الهادف .. ولعل الذي لفت نظري وشنف مسمعي بهذه المقابلة هو مطالبته بفتح أبواب الأندية الرياضية لكل فئات المجتمع وتفعيل دورها الثقافي والاجتماعي .. وذلك لتفريغ طاقاتها الكامنة بسبب قل حركتهم بعد ان تفشت بالمجتمع أمراض السمنه والسكري وغيرها من الأمراض .. اقتراح طيب ويحتاج وقفه من الكل لان من وراه فايده للمجتمع الكويتي بس وهذي تحتها عشرين خط !.. اشلون يا طويل العمر وحنا عددنا كاكويتين تجاوز المليون مواطن ؟.. في ظل وجود خمسة عشر نادي مو اكثر ؟!.. امنا بالله وتوجه المواطنين للأندية بالله عليك كل نادي منهم كم يشيل من المواطنين في ظل محدودية مساحة الأندية اللي ماتتجاوز نص كيلو بنص كيلو ( انا مكبرهم وهم بالواقع اصغر من ذلك ) فهمني اشلون هالاندية راح تفعل أدوارها الثقافية والاجتماعية وهذا حجمها ونادي الجهراء خير مثال لنصف مليون نسمه ؟.. لعملك ياسيدي النادي حده الاقصي الف لاعب بمختلف الدرجات وبكل الألعاب !.. ومالك أمل كلهم يتدربون بوقت واحد لضيق المساحة وقل المنشئات يعني ياباشا اقتراحك راح يكون اقتراح على الورق بس وحاله من حال المشاريع الإسكانية الورقية !.. وقبل لا اختم ياليت الاقتراح يكون بفتح أندية جديدة بدون عدد حتي يكون اقتراحك محل دراسة ويمكن ان يتحقق على ارض الواقع وسلامتكم .

 

التعليقات

1 تعليق
  1. أوثال
    1

    اشلون ووين هذي سواليف ام العنزين!!!!!

    Thumb up 1 Thumb down 0
    28 أكتوبر, 2016 الساعة : 8:03 م
98