شراحيلي الهلال يعاتب الجماهير ويتذمر : اللي مايفهم كورة مايهمنا

خالد شراحيليوجّه حارس نادي الهلال السعودي خالد شراحيلي رسالة قوية وصادمة لجماهير الزعيم عبر حسابه الشخصي في موقع التواصل الاجتماعي “انستجرام”، وسط ردود فعل متباينة بحسب مانقلته مواقع رياضية .

وقال شراحيلي: المكان مكاني والزمان زماني، واللى جالس في المدرج يتفرج كأس ملك، كأس سوبر، وكأس ولي العهد، وإن شاء الله الدوري وكأس الملك وتأهل في آسيا، نحن مجموعة شغلنا داخل الملعب وأهم شيء حصد الذهب وكلام الهواء لايضر ولا ينفع.

وأضاف بقوله “الكورة فوز وخسارة متى بنفهم، اللي ما يثق في الزعيم ما يهمنا، واللي يهمنا اللي قلبهم علينا ويعاتبون عتاب محب مو شتم، أهم شيء كلها حسنات والله يجزاكم خير، أهم شيء إننا على قلب واحد ويد واحده والجاي راح يكون أقوى وأحسن”.

يذكر أن الجماهير هاجمت الحارس وانتقدته بعد مباراة الجزيرة الإماراتي التي انتهت بالتعادل، حيث نجح الفريق الإماراتي في إدارك التعادل في الثواني الأخيرة من عمر المباراة بهدف يسأل عنه دفاع الهلال وحارسه شراحيلي

التعليقات

14 تعليق
  1. الاعتراف بالخطأ فضيلة
    1

    راجع حساباتك يا(شرشور)على وزن (فرفور) و (دحروج)، الهدف انت المسؤول عنه أولا وأخيرا، لان تمركزك خطأ …فاتح الزاوية على مصراعيها ، وهدف الاتحاد اللي من نص الملعب تمركزك أيضاخطأ،واتق شر جمهور الهلال اذا غضب، تراه بيلحقك السديري وبطيرك من الفريق كله، العويصي جاي جاي .
    تدرب أكثر وأكثر ، وتدارك أخطاءك، واترك عنك السناب شات والتصوير وغيره ، من زين هالوجه يوم ترزز كل شوي، يعني: قلة سنعة فوق قلة صنعة.

    Thumb up 16 Thumb down 9
    17 مارس, 2016 الساعة : 5:40 ص
  2. ابو علي691
    2

    ياخي صحيح عليه اخطاء بس لاتجرح وتسب تراه كورة وجمهور الهلال اكبر من انه يوصل للمرحلة كبير ياشراحيلي بس صحح اخطائك ترا خزينة الهلال مليانه فلوس ولاعبين بالتوفيق

    Thumb up 3 Thumb down 3
    17 مارس, 2016 الساعة : 7:55 ص
  3. كعبول
    3

    اجلد :mrgreen:

    Thumb up 4 Thumb down 0
    17 مارس, 2016 الساعة : 8:02 ص
  4. راعيهااا
    4

    :lol: :lol: :lol: اللي مايفهم كورة يقعد في بيته تراه مايهمنا :lol: :lol: :lol:

    Thumb up 2 Thumb down 1
    17 مارس, 2016 الساعة : 8:18 ص
  5. تبي رأيي
    5

    الصراحة انديتنا حالياً تفتقد للأداري الحازم حتى لا نرى مثل هذه العينات المستهترة خالد شراحيلي فهد المولد عبدالرحمن الغامدي نواف العابد سالم الدوسري عبدالله العنزي و……..القائمة تطول بصراحة حالياً لا يوجد فريق في السعودية لاعبيه على قدر عالي من الأنضباط واحترام للجماهير غير الأهلي والتعاون.

    Thumb up 4 Thumb down 1
    17 مارس, 2016 الساعة : 9:33 ص
  6. :: تــــــــــــــوأم ``` الشمـــــــــــــس ::
    6

    صدقت يا شراحيلي !!

    وش فهم الطواقي بالكورة :mrgreen:

    Thumb up 4 Thumb down 6
    17 مارس, 2016 الساعة : 9:45 ص
  7. Esam
    7

    هههههههههههه
    هذا الخال عامل فيها فاهم

    Thumb up 0 Thumb down 2
    17 مارس, 2016 الساعة : 9:52 ص
  8. هلالي ملكي زعيمي
    8

    أرجو يا (شوشو) أن جمهور الهلال ليس مثل الجماهير الباقية .. لابد من أي لاعب هلال بذل كل ما يستطيع وبالروح والتفاني والاخلاص لشعار الفريق .. وألا فإن جمهور الزعيم لا يرحم .. فخذ عبرة من السديري .. واللي ما يرضى بالنقد ويتعرف بأخطاءه مكانه خارج أسوار النادي .. واترك عنك وسائل التواصل الاجتماعي واهتم بتطوير نفسك .. تحياتي ..

    Thumb up 1 Thumb down 4
    17 مارس, 2016 الساعة : 10:05 ص
  9. الملكي الأهلاوي
    9

    المكان مكاني والزمان زماني 8-O !

    مثلها مثل اني ارى كؤوساً قد اينعت :mrgreen: :mrgreen: :mrgreen: !

    وانت يا (شوشو :mrgreen: ) مثلك مثل السديري ، والفرق انهم مايقدرون ينتقدونك ، عكس الأسطورة المظلوم السديري الي لو ماسجلها مهاجمهم بيحطون العلة فيه رغم ان ماله دخل :mrgreen:

    وبصراحة استغرب انضمامك للمنتخب !

    واتمنى انك ماتكون اساسي في منتخبنا :-|

    Thumb up 5 Thumb down 5
    17 مارس, 2016 الساعة : 11:19 ص
  10. زعيم نصف الأرض
    10

    ياعمي لا تصدق نفسك .. الهلال يعزك وجمهوره هو اللي بيذلك
    سالفة انك تلعب بمزاجيه هذي سوها في بيت امك .. الهلال ملك لجمهوره
    هدف الجزيره لو إنك واقف صح كان مسكتها بكل سهوله بس الـثــوور ثــ ـور

    عندك امكانيات بس ماعندك مخ .. تشبه السديري كثير
    لكن السديري جدي في التدريبات ويحاول ويحاول لكن انت مهمل وغير جدي او مبالي

    لكن تعدل قبل ماتنطرد زي الـكــلـ ـب من النادي

    عمر النادي ماوقف على أحد ياشوشو هانم .

    Thumb up 2 Thumb down 5
    17 مارس, 2016 الساعة : 3:38 م
  11. السيف الازرق
    11

    نقطت ضعف الهلال الحراسه ….؟
    تأتي فيه اهداف من نصف الملعب …؟

    Thumb up 0 Thumb down 3
    17 مارس, 2016 الساعة : 5:00 م
  12. 彡 يآجـﮧـدِيے 彡
    12

    غض النظر عن الميول…. طريقة شراحيلي او رده على جمهوره بهطريقه.. عجيب ماحد قال هالكلام من قبل..اجل المكان مكاني ولزمان زماني؟؟

    ولي مايفهم كوره مايهمك.. يعني كل الجمهر الي حضر وانتقدك.. وحتى لو انك انشتمت انت لاعب ومعرض لاي شي بس يبي لك تاهيل.. وخل ناديك يعلمك شلون تتعامل مع غضب الجمهور… وشغل الحواري ولبربسه خله عنك..

    لاتاخذ مقلب كلامك هذا ممكن يقوله حارس اسطوره… مو انت يارجل حتى مالك تاريخ هههههههههههههه

    Thumb up 0 Thumb down 3
    18 مارس, 2016 الساعة : 1:13 ص
  13. اتي الغربيه
    13

    كلام الرجال صح اللي ما يفهم كوره لا يمتحنا ،،،

    Thumb up 1 Thumb down 0
    18 مارس, 2016 الساعة : 6:15 م
  14. اتي الغربيه
    14

    ما لنا دخل في مشاكل الطواقي ،،،،

    Thumb up 0 Thumb down 0
    18 مارس, 2016 الساعة : 10:48 م
124