مدربين هات وحط برحتك ياريس !

كلام منطقي وعين العقل تشبيه الألماني توماس دول مدرب فريق الهلال السابق المدربون الذين يشرفون على تدريب الأندية السعودية بالدمى التي يلعب بها مالك أو رئيس النادي ويستبدلها في أي وقت يريده .. بصراحة كلام مايقدر يقول احد من المدربين المتواجدين بمنطقتنا الخليجية خوفا على لقمة عيشهم بالمنطقة العربية كلها لان هالمدربين للاسف ما عندهم احترام لانفسهم .. لان كل همهم التنقل بين الاندية الخليجية من اجل اكتساب المال حتي لو الامر تطلب منهم الخنوع والخضوع (هات وشيل برحتك ياعم ) والاخلال بعقودهم وللاسف هم كثر وياما سمعنا الكثير من هالاخبار بكل موسم .. وللامانة حتي اكون منصف كلام توماس دول ماينبطبق على الاندية السعودية بس بل على اغلب فرقنا الخليجية وبعض الاندية العالمية التي تكون تحت سيطرة ونفوذ احد الاثرياء العرب (صرنا اضحوكه عالمية ) .. وكل هالتجاوزات تكون للاسف بعيدا عن الروح الرياضية لان المال والطمع هو المتحكم والمسير لامور الكثير من المدربين الذين مروا علينا بمنطقتنا الخليجية .. لانهم رضوا على انفسهم ان يكونوا ابطال لانتقالات غير شريفة لمهنة التدريب .. الله يهديهم رؤوساء انديتنا اول مايسمعون عن مدرب حقق بطولة رفعوا سعره وطيروه من ناديه الاصلي بطريقة اشبه بالقرصنة على العكس من المتبع بدول العالم المتحضر .. وعلى ما اعتقد امورهم ماتخفي علينا واللي مايقراء سمع عن مدربين يعملون ويعاملون باحترام وكثير منهم عمر سنوات مع ناديه .. يعني زبدة الكلام ربعنا كل همهم الجلوس اطول وقت على كرسي الادارة ويستذبح عليه ويدفع الغالي والنفيس علشان خاطر منصبه .. وفي الختام يارب رسالة الالماني توماس دول تجد لها طريق عند مسئولينا الخليجيين وسلا متكم .

محمد خلف الشمري
كاتب وناقد كويتي

102