حياتو وبلاتر التغير التغير

بعد خروج المنتخب التونسي من بطولة افريقيا الاخيرة بمهزلة تحكمية ارضاء لخواطر اهل الدولة المستضيفة غينيا الاستوائية .. وهالمهزلة ماهي المره الاولي التي تحدث بالبطولات الافريقية عيني السالفة لها سوابق متكررة سواء بمحاباة الدول المستضيفة او للفرق المهيمنة على بطولات افريقيا سواء على مستوي المنتخبات والاندية .. وانا من خلال هالكم سطر ارجوا من الدول العربية وحليفاتها بالقارة السمراء الوقوف يدا واحده ضد رئاسة عيسي حياتو للكاف لان من وجهة نظري ان ثمان ولايات كافية وبالعربي اقولها الرجال ما عنده شي يقدمه يعني مفلس اداريا وافكاريا .. وياليتهم بعد دعوة الجمعية العمومية يتخذون قرارات مهمة اهمها ان اي مسئول رياضي يكون حد عمله على رئاسته لاي اتحاد او لجنة دورتين والسلام عليكم مو يعشعش لين ينسج خيوطه كلش كلش حده ثمان سنوات وينشاف غيره لان الواحد له قدرة انتاج لكم سنه يعني حاله حال اللاعب والحكم اللي ينتهون عند سن معينه .. ودام الكلام صاب حياتو ياليت نفس هالكلام ينطبق على جوزيف بلاتر رئيس الفيفا اللي سمعنا عنه ان كثف جولاته المكوكية بدول العالم بحثا عن ولاية خامسة يجثم فيها على صدر الكرة العالمية لين يموت .. يعني من الاخر هذي دعوة لتجديد شباب المنظمات العالمية والقارية والمحلية ان لازم الامر لان حنا عيال اليوم محنا عيال امس اللي ولاء وراح من غير رجعه .. وليكون شعارنا التغير التغير ولا غيره شي وسلامتكم .

محمد خلف الشمري
الكويت

108